Bu gün Founder Club və Rabitə və İnformasiya Texnologiyaları üzrə Bakı Dövlət Peşə Təhsil Mərkəzi arasında peşə təhsilində təcrübə proqramlarının genişləndirilməsi çərçivəsində əməkdaşlıq memorandumu imzalanmışdır.
Günün tələblərinə uyğun olaraq əmək bazarına yeni ixtisaslar üzrə ixtisaslı kadrların çıxarılması, zamanın inkişaf tempinə uyğun addımların atılması, müxtəlif sahələrdə öz bacırqlarını nümayiş etdrimə və bazar iqtisadiyyatının tələblərinə uyğun ixtisaslara yiyələnmə istiqamətində imkanlarını genişləndirən yeni əməkdaşlıq memorandumu imzalanmışdır.
Founder Club-ın tərkibində müxtəlif sahələri əhatə edən 15-ə yaxın işəgötürən təşkilatlar böyük naliyyətlərə imza atmış və öz geniş təcrübəsi ilə əmək bazarında özünəməxsus yer tutmuşdurlar. Müəssisələrin yüksək texnologiya və bacarıqlı kadrlara malik olması əməkdaşlıq nəticəsində bacarıqlı kadrların hazırlanmasına daha böyük imkan yaradacaqdır.
Əməkdaşlıq çərçivəsində Founder Club Qrafik dizayner”, “Veb dizayner və proqram təminatçısı”, “Əməliyyatçı mühasib” “Poliqrafiya üzrə dizayner” ixtisaslarında təhsil alan tələbələrin peşəkar bacarıqlarının inkişafı məqsədi ilə iş yerində təcrübə proqramlarının təşkili və məzun tələbələrin işlə təmin olunması üzrə dəstək göstərilməsi nəzərdə tutulur.
